လောင်းကြက်တောင်မော် ကျောက်စာ (လေးမြို့ခေတ်)
ရခိုင်လူမျိုးတို့သည် လွန်ခဲ့သောနှစ်ပေါင်းများစွာကပင် ကိုယ်ပိုင် စာပေ၊ ဘာသာစကား၊ ယဉ်ကျေးမှုဓလေ့ရိုးရာ၊ သမိုင်းအစဉ်အလာကြီးမားစွာဖြင့် ကိုယ့်ထီးကိုယ့်နန်းနှင့် နေထိုင်လာခဲ့ကြသူများဖြစ်ပါသည်၊ ရခိုင်မှာ စာအရေးအသားကို ဓညဝတီခေတ်ကပင် တွေ့ရပြီး လေးမြို့ခေတ် ရောက်သောအခါ ရက္ခဝဏ္ဏအက္ခရာ ရခိုင်စာအရေးအသားများကို တွေ့ရပါသည်၊ အခုတင်ပြထားသော လောင်းကြက်တောင်မော်ကျောက်စာသည် လေးမြို့ခေတ်တွင် ပေါ်ထွန်းခဲ့သော ပုရိန်ခေတ်မှ ဘုရင်ကောလိယမင်းကြီး (သက္ကရာဇ်- ၁၁၁၈-၁၁၂၃) ရေးထိုးခဲ့သော အလှူမှတ်တမ်းကျောက်စာဖြစ်ပါသည်၊ ကျောက်စာသည် မြောက်ဦးမြို့၏ အရှေ့တောင်ဘက်မှ ငါးမိုင်နန့် ကွာဝေးသည့် လေးမြို့မြစ်ကမ်းနံဘေးတွင် တည်ရှိပါသည်၊ ကျောက်စာကို တောင်မော်တောင်တန်း၏ မြောက်ဘက်ထိပ်တွင် အလျား(၃၀)ပေ ၊ အနံ (၂၅)ပေခန့်ရှိသည့် သဘာဝကျောက်တောင်ကြီးတွင် အပြည့် ရေးထိုးထားခြင်း ဖြစ်ပါသည်၊ အခုအချိန်မှာ ကျောက်စာကို ထိန်းသိမ်းစောင့်ရှောက်မှု မရှိကြသဖြင့် ပျက်စီးယိုယွင်းလျက်ရှိနေပါသည်၊ ရခိုင့်ရှေးဟောင်းယဉ်ကျေးမှု အမွေအနှစ် ရခိုင်စာပေသမိုင်းအတွက် အရေးကြီးသော “လောင်းကြက်တောင်မော်ကျောက်စာ”ကို ထိန်းသိမ်းစောင့်ရှောက်ကြရန်မှာ ရခိုင်တစ်မျိုးသားလုံး၏ သမိုင်းပေး အမျိုးသားရေး တာဝန်ဖြစ်ပါသည်
credit to Soe Thant Aung
No comments:
Post a Comment
ပြောခဲ့ချင်တာများရှိလျှင် . . .